«ПСЖ» бош мураббийи Луис Энрике жамоанинг бўлажак мавсум учун мақсадлари ҳақидаги саволга жавоб берди.

У УЕФА Чемпионлар Лигасида кетма-кет иккинчи бор ғолиб чиқиш нияти борлигини таъкидлади.

“Тарих яратишда давом этиш биринчи кундан бошлаб менинг асосий мақсадим бўлган. Ҳозир биз буни амалга оширяпмиз, лекин Чемпионлар Лигасида икки марта кетма-кет ғолиб чиқиш жуда қийин. Аммо бу бизнинг мақсадимиз. Биз жуда амбициялимиз. Бу қийин бўлишини биламиз, лекин шундай менталитетга эга бўлиш нормал ҳолат. Ҳаммаси бизга ва бизнинг даражамизга боғлиқ бўлади. Бу жуда қизиқарли вазифа.

Ўтган мавсумдан кейин мақсадлар ҳақидаги саволга жавоб бериш жуда осон: биз ҳамма турнирларда ғалаба қозонмоқчимиз, умид қиламизки, барча совринларни қўлга кирита оламиз. Мен келган биринчи мавсумда мақсад тарих яратиш эди. Биз шу руҳда давом этишни хоҳлаймиз. Чемпионлар Лигасида иккинчи марта ғалаба қозонишни мақсад қилишимиз керак. Бу қийин, аммо мотивация беради”, — деди Энрике.