Hujumchi Kristofer Nkunku yaqin kelajakda "Chelsi"dan "Bavariya"ga o‘tishi mumkin. Taniqli jurnalist Ben Jeykobsning ijtimoiy tarmoqlarda ma’lum qilishicha, myunxenliklar dam olish kunlari bo‘lib o‘tgan ijobiy muzokaralardan so‘ng tez orada kelishuvga erishish mumkinligiga optimistik qarashmoqda.

Shu bilan birga, ta’kidlanishicha, 27 yoshli Nkunkuning transfer formulasi hali muhokama qilinmoqda.

"Chelsi" safida Kristofer Nkunku 62 ta o‘yinda maydonga tushib, 18 ta gol va 5 ta golli uzatmani o‘z hisobiga yozdirib qo‘ygan. Nufuzli Transfermarkt portali mutaxassislari fransiyalik futbolchini 35 million yevroga baholamoqda.