Ҳужумчи Кристофер Нкунку яқин келажакда "Челси"дан "Бавария"га ўтиши мумкин. Таниқли журналист Бен Жейкобснинг ижтимоий тармоқларда маълум қилишича, мюнхенликлар дам олиш кунлари бўлиб ўтган ижобий музокаралардан сўнг тез орада келишувга эришиш мумкинлигига оптимистик қарашмоқда.
Шу билан бирга, таъкидланишича, 27 ёшли Нкункунинг трансфер формуласи ҳали муҳокама қилинмоқда.
"Челси" сафида Кристофер Нкунку 62 та ўйинда майдонга тушиб, 18 та гол ва 5 та голли узатмани ўз ҳисобига ёздириб қўйган. Нуфузли Transfermarkt портали мутахассислари франциялик футболчини 35 миллион еврога баҳоламоқда.
