"Manchester Yunayted" "Kristal Pelas" tayanch yarim himoyachisi Adam Uortonga qiziqish bildirmoqda. Bu haqda talkSPORT xabar bermoqda.

Manbaga ko‘ra, "MYU" "Brayton"dan Karlos Balebani o‘z safiga qo‘shib olishni rejalashtirgan edi, biroq "chaykalar" futbolchisini sotmasligini ma’lum qilgan. Bu Ruben Amorim jamoasini boshqa variantlarni ko‘rib chiqishga majbur qildi.

O‘tgan mavsumda Uorton klub miqyosida 27 ta o‘yinda maydonga tushgan. U 3 ta ogohlantirish oldi va 2 ta golli uzatmani amalga oshirdi. Uorton jarohati tufayli mavsumning bir qismini o‘tkazib yuborishga majbur bo‘ldi.

Angliya terma jamoasi safida 1 ta o‘yinda maydonga tushgan 21 yoshli futbolchining transfer narxi 45 million yevroga baholanmoqda.