"Манчестер Юнайтед" "Кристал Пэлас" таянч ярим ҳимоячиси Адам Уортонга қизиқиш билдирмоқда. Бу ҳақда talkSPORT хабар бермоқда.

Манбага кўра, "МЮ" "Брайтон"дан Карлос Балебани ўз сафига қўшиб олишни режалаштирган эди, бироқ "чайкалар" футболчисини сотмаслигини маълум қилган. Бу Рубен Аморим жамоасини бошқа вариантларни кўриб чиқишга мажбур қилди.

Ўтган мавсумда Уортон клуб миқёсида 27 та ўйинда майдонга тушган. У 3 та огоҳлантириш олди ва 2 та голли узатмани амалга оширди. Уортон жароҳати туфайли мавсумнинг бир қисмини ўтказиб юборишга мажбур бўлди.

Англия терма жамоаси сафида 1 та ўйинда майдонга тушган 21 ёшли футболчининг трансфер нархи 45 миллион еврога баҳоланмоқда.