Madridning "Real" klubi Ispaniya chempionatining navbatdagi mavsumini o‘z maydonida "Osasuna"ga qarshi bahs bilan boshlaydi. Uchrashuv seshanba kuni bo‘lib o‘tadi, uning boshlanishi Toshkent vaqti bilan 00:00 ga belgilangan.
Diario AS taxminiga ko‘ra, "qaymoqranglilar" 4-3-3 sxemasida harakat qiladi, hujum uchligi Braim Dias, Kilian Mbappe va Vinisius Juniordan iborat bo‘ladi. Yarim himoyada Federiko Valverde, Orelyen Tchuameni va Arda Gyuler, himoyada Trent Aleksandr-Arnold, Eder Militao, Din Xyoysen va Alvaro Karreras, darvozada Tibo Kurtua o‘ynaydi.
Eslatib o‘tamiz, "Real" klublar o‘rtasidagi jahon chempionatidagi ishtiroki tufayli o‘yinni qoldirishni talab qilgan, ammo La Liga bunga rad javobini bergan edi. Ushbu to‘qnashuv Xabi Alonso uchun jamoa bosh murabbiyi sifatida chempionat doirasidagi ilk o‘yin bo‘ladi.













