Germaniya terma jamoasi va Myunxenning "Bavariya" klubida o‘ynagan germaniyalik himoyachi Jerom Boateng jamoasiz qoldi. Tajribali futbolchi Avstriyaning LASK klubi bilan mehnat shartnomasini bekor qildi, deya xabar bermoqda klub matbuot xizmati.
Shartnoma 2026 yilgacha mo‘ljallangan edi, biroq tomonlar hamkorlikni muddatidan oldin yakunlashga qaror qilishdi. Boateng Avstriya jamoasi safida o‘tgan yilning yozidan buyon to‘p tepib kelayotgandi. LASK tarkibida nemis 14 ta o‘yin o‘tkazgan.
36 yoshli himoyachi "Gerta", "Gamburg", "Manchester Siti", "Lion" va "Salernitana" klublarida ham o‘ynagan. Germaniya terma jamoasi safida Jerom 76 ta o‘yinda maydonga tushib, 11 ta gol urgan.













