"Milan" va "Bayer" Viktor Bonifasening ijarasi bo‘yicha kelishib oldi.
Avvalroq, 24 yoshli hujumchi allaqachon "rossonerilar" bilan prinsipial kelishuvga erishgani xabar qilingandi.
Jurnalist Florian Plettenbergning yozishicha, klublar bir yillik ijara bo‘yicha to‘liq kelishuvga erishgan. U 2026 yilning yozida futbolchini 30 million yevroga sotib olish imkoniyatini nazarda tutadi.
Endi Bonifase va "Milan" o‘rtasidagi kelishuvning so‘nggi detallariga aniqlik kiritish qoldi. Agar nigeriyalik yakuniy rozilik bersa, bitim amalga oshadi.
Viktor Bundesliganing o‘tgan mavsumida 19 ta o‘yinda 8 ta gol urdi.













