"Милан" ва "Байер" Виктор Бонифасенинг ижараси бўйича келишиб олди.
Аввалроқ, 24 ёшли ҳужумчи аллақачон "россонерилар" билан принципиал келишувга эришгани хабар қилинганди.
Журналист Флориан Плеттенбергнинг ёзишича, клублар бир йиллик ижара бўйича тўлиқ келишувга эришган. У 2026 йилнинг ёзида футболчини 30 миллион еврога сотиб олиш имкониятини назарда тутади.
Энди Бонифасе ва "Милан" ўртасидаги келишувнинг сўнгги деталларига аниқлик киритиш қолди. Агар нигериялик якуний розилик берса, битим амалга ошади.
Виктор Бундеслиганинг ўтган мавсумида 19 та ўйинда 8 та гол урди.
