Milanning "Inter" klubi forvardi Mehdi Taremi Italiyaning boshqa bir klubiga o‘tishi mumkin, deya xabar bermoqda Sky Sport.

Jurnalistlar ma’lumotiga ko‘ra, 33 yoshli hujumchini "Parma" o‘z safiga qo‘shib olmoqchi. "Neradzurrilar" eronlik futbolchiga ortiq ishonmayapti va yozgi transferlar davrida u bilan xayrlashishga tayyor. Taremining bozor narxi uch yarim million yevroni tashkil etadi.

O‘tgan mavsumda Mehdi milanliklarning 43 ta o‘yinida ishtirok etgan. Taremi 3 ta gol va 9 ta golli uzatmani o‘z hisobiga yozdirib qo‘ydi. Hujumchining milanliklar bilan amaldagi shartnomasi 2027 yilning yozida yakuniga etadi.