Миланнинг "Интер" клуби форварди Меҳди Тареми Италиянинг бошқа бир клубига ўтиши мумкин, дея хабар бермоқда Sky Sport.

Журналистлар маълумотига кўра, 33 ёшли ҳужумчини "Парма" ўз сафига қўшиб олмоқчи. "Нерадзуррилар" эронлик футболчига ортиқ ишонмаяпти ва ёзги трансферлар даврида у билан хайрлашишга тайёр. Таремининг бозор нархи уч ярим миллион еврони ташкил этади.

Ўтган мавсумда Меҳди миланликларнинг 43 та ўйинида иштирок этган. Тареми 3 та гол ва 9 та голли узатмани ўз ҳисобига ёздириб қўйди. Ҳужумчининг миланликлар билан амалдаги шартномаси 2027 йилнинг ёзида якунига этади.