Superliga 20-turi doirasidagi «So‘g‘diyona» - «Dinamo» (1:1) uchrashuvidan keyin samarqandliklar bosh murabbiyi Vadim Abramov matbuot anjumanida ishtirok etdi.

«Bugun jamoalar ko‘rsatgan o‘yin muxlislarga yoqdi deb o‘ylayman, tomonlar qarama-qarshi hujumlar bilan quvnoq o‘yin namoyish etishdi. Afsuski, so‘nggi soniyalarda penalti belgilandi va g‘alabani qo‘ldan chiqardik. Men uchun ko‘p narsa tushunarsiz. Hakam vaziyat yonida edi, VAR esa uni chaqirdi. Shunday vaziyatlar bizda bo‘lganida VAR hech kimni chaqirmaydi. Bilmadim, bu VAR bilan hech narsa tushunarsiz, menimcha bu faqat bizda emas, hamma joyda shunaqa bo‘lyapti. Bizga sariq kartochkalar berib tashlashdi, raqibga kelganda ularning o‘yinchisi ikkinchi sariqni olib maydondan chetlatilishi kerak bo‘lganda, hakam yuz foizli kartochkani ko‘rsatmayapti. Bir xil vaziyatlarni ikki xil talqin qilishmoqda. Bunga tushunish qiyin. Aftidan, hakamlik bo‘yicha men hech narsani tushunmas ekanman. Shunday ekan, tilimni tiyaman.

Yigitlarimga oxirigacha kurashishgani uchun minnatdorchilik bildiraman. Tig‘iz taqvim paytida raqib bizdan bir kun ko‘proq dam oldi. Bunday vaziyatda o‘ynash og‘ir, maydon, hakamlik... Butun o‘yin davomida barchasini yaxshi bajardik, ammo so‘nggi 30 soniyada nimadir yetishmadi. Barchasini tahlil qilamiz», - dedi Vadim Karlenovich o‘yindan keyin.

«Dinamo» PFK matbuot xizmati