Суперлига 20-тури доирасидаги «Сўғдиёна» - «Динамо» (1:1) учрашувидан кейин самарқандликлар бош мураббийи Вадим Абрамов матбуот анжуманида иштирок этди.

«Бугун жамоалар кўрсатган ўйин мухлисларга ёқди деб ўйлайман, томонлар қарама-қарши ҳужумлар билан қувноқ ўйин намойиш этишди. Афсуски, сўнгги сонияларда пенальти белгиланди ва ғалабани қўлдан чиқардик. Мен учун кўп нарса тушунарсиз. Ҳакам вазият ёнида эди, ВАР эса уни чақирди. Шундай вазиятлар бизда бўлганида ВАР ҳеч кимни чақирмайди. Билмадим, бу ВАР билан ҳеч нарса тушунарсиз, менимча бу фақат бизда эмас, ҳамма жойда шунақа бўляпти. Бизга сариқ карточкалар бериб ташлашди, рақибга келганда уларнинг ўйинчиси иккинчи сариқни олиб майдондан четлатилиши керак бўлганда, ҳакам юз фоизли карточкани кўрсатмаяпти. Бир хил вазиятларни икки хил талқин қилишмоқда. Бунга тушуниш қийин. Афтидан, ҳакамлик бўйича мен ҳеч нарсани тушунмас эканман. Шундай экан, тилимни тияман.

Йигитларимга охиригача курашишгани учун миннатдорчилик билдираман. Тиғиз тақвим пайтида рақиб биздан бир кун кўпроқ дам олди. Бундай вазиятда ўйнаш оғир, майдон, ҳакамлик... Бутун ўйин давомида барчасини яхши бажардик, аммо сўнгги 30 сонияда нимадир етишмади. Барчасини таҳлил қиламиз», - деди Вадим Карленович ўйиндан кейин.

«Динамо» ПФК матбуот хизмати