Payshanba kuni "Kristal Pelas" Konferensiyalar ligasi saralash bosqichi doirasida o‘z maydonida "Fredrikstad"ga qarshi bahs olib boradi. The Times nashri tarqatgan xabarga ko‘ra hujumkor yarim himoyachi Eberechi Eze "burgutlar"ning asosiy tarkibidan o‘rin olmadi. Buning sababi shundaki, 27 yoshli futbolchi "Arsenal"ga o‘tishga yaqinlashmoqda. Tez orada Eze "to‘pchilar" uchun tibbiy ko‘rikdan o‘tishi kerak.

"Arsenal", agar matbuot ma’lumotlariga ishonadigan bo‘lsak, Ezening transferi uchun kurashda hamshahri "Tottenxem"dan ustun keldi.

Eberechi Eze "Kristal Pelas" safida jami 169 ta rasmiy o‘yinda maydonga tushib, 40 ta gol urgan va sheriklariga 28 ta golli uzatmani amalga oshirgan.