"Chelsi" futbolchisi Rahim Sterlingga Angliya Premer-ligasining uch klubi qiziqish bildirmoqda.
"Ko‘klar" bosh murabbiy Enso Mareskaning rejalariga to‘g‘ri kelmaydigan 30 yoshli futbolchi bilan hamkorlikni davom ettirishni rejalashtirmayapti. Jurnalist Ben Jeykobsning ma’lum qilishicha, angliyalik futbolchida faoliyatini davom ettirish uchun uchta dolzarb variant bor - "Fulxem", "Kristal Pelas" va "Vest Xem". Futbolchi Londonda qolishni istaydi, shuning uchun takliflarni bajonidil ko‘rib chiqadi.
"Chelsi" Rahim Sterlingni sotishni afzal ko‘rmoqda, ammo ijaraga berish imkoniyati ham istisno qilinmayapti. Tajribali vingerning amaldagi shartnomasi 2027 yilning yarmigacha mo‘ljallangan.
