"Челси" футболчиси Раҳим Стерлингга Англия Премер-лигасининг уч клуби қизиқиш билдирмоқда.
"Кўклар" бош мураббий Энцо Маресканинг режаларига тўғри келмайдиган 30 ёшли футболчи билан ҳамкорликни давом эттиришни режалаштирмаяпти. Журналист Бен Жейкобснинг маълум қилишича, англиялик футболчида фаолиятини давом эттириш учун учта долзарб вариант бор - "Фулхэм", "Кристал Пэлас" ва "Вест Хэм". Футболчи Лондонда қолишни истайди, шунинг учун таклифларни бажонидил кўриб чиқади.
"Челси" Раҳим Стерлингни сотишни афзал кўрмоқда, аммо ижарага бериш имконияти ҳам истисно қилинмаяпти. Тажрибали вингернинг амалдаги шартномаси 2027 йилнинг ярмигача мўлжалланган.
