Madridning "Atletiko" klubi "Atalanta" hujumchisi Ademola Lukman uchun kurashda ishtirok etmayapti.

"Matraschilar" nigeriyalik futbolchining Milanning "Inter" klubiga o‘tishi bo‘yicha kelishuv barbod bo‘lganidan keyin unga da’vogarlardan biri sifatida tilga olingan edi. Jurnalist Matteo Morettoning yozishicha, Lukmanning vakillari "Atletiko"ga qiziqish saqlanib qolgan-qolmaganini bilish maqsadida murojaat qilgan, biroq madridliklar transfer bo‘yicha muzokara o‘tkazmoqchi emasliklarini ma’lum qilishgan. Sababi o‘sha-o‘sha - narx baland.

Ademola Lukman "Inter"ga o‘tmoqchi edi, ammo Milan grandi transfer shartlari bo‘yicha "Atalanta" bilan kelisha olmadi. Transfermarkt saytidagi 27 yoshli futbolchining taxminiy narxi - 60 mln yevro.