Мадриднинг "Атлетико" клуби "Аталанта" ҳужумчиси Адемола Лукман учун курашда иштирок этмаяпти.
"Матрасчилар" нигериялик футболчининг Миланнинг "Интер" клубига ўтиши бўйича келишув барбод бўлганидан кейин унга даъвогарлардан бири сифатида тилга олинган эди. Журналист Маттео Мореттонинг ёзишича, Лукманнинг вакиллари "Атлетико"га қизиқиш сақланиб қолган-қолмаганини билиш мақсадида мурожаат қилган, бироқ мадридликлар трансфер бўйича музокара ўтказмоқчи эмасликларини маълум қилишган. Сабаби ўша-ўша - нарх баланд.
Адемола Лукман "Интер"га ўтмоқчи эди, аммо Милан гранди трансфер шартлари бўйича "Аталанта" билан келиша олмади. Transfermarkt сайтидаги 27 ёшли футболчининг тахминий нархи - 60 млн евро.
