"Marsel" klubi jamoadoshi bilan urishib qolgani uchun transferga qo‘ygan fransiyalik yarim himoyachi Adriyen Rabyo birdaniga 2 ta klubdan taklif oldi. Bu haqda Football Italia nashri xabar bermoqda.
Manbaga ko‘ra, "Napoli" va "Milan" Rabyoning moliyaviy istaklari borasida dastlabki muzokaralarni o‘tkazgan. "Napoli" futbolchiga onasi orqali murojaat qilgan. Eslatib o‘tamiz, ayni damda futbolchining maoshi yiliga 6 million yevrodan sal kamroqni tashkil qiladi. "Marsel" transfer uchun kamida 15 million yevro so‘rashi kutilmoqda.
"Milan" Rabioning pozisiyasida ortiqcha futbolchilardan xalos bo‘lsa, uni o‘z safiga qo‘shib olishi mumkin. Shuni ham qo‘shimcha qilish kerakki, 30 yoshli futbolchiga Turkiyaning ba’zi klublari qiziqish bildirmoqda.
