"Марсель" клуби жамоадоши билан уришиб қолгани учун трансферга қўйган франциялик ярим ҳимоячи Адриен Рабьо бирданига 2 та клубдан таклиф олди. Бу ҳақда Football Italia нашри хабар бермоқда.

Манбага кўра, "Наполи" ва "Милан" Рабьонинг молиявий истаклари борасида дастлабки музокараларни ўтказган. "Наполи" футболчига онаси орқали мурожаат қилган. Эслатиб ўтамиз, айни дамда футболчининг маоши йилига 6 миллион евродан сал камроқни ташкил қилади. "Марсель" трансфер учун камида 15 миллион евро сўраши кутилмоқда.

"Милан" Рабионинг позициясида ортиқча футболчилардан халос бўлса, уни ўз сафига қўшиб олиши мумкин. Шуни ҳам қўшимча қилиш керакки, 30 ёшли футболчига Туркиянинг баъзи клублари қизиқиш билдирмоқда.