"Barselona" darvozaboni Inyaki Penya "Elche"ga o‘tadi. 26 yoshli futbolchi La Liga debyutanti safiga o‘tishga rozilik bildirdi - u jamoa safini ijara asosida to‘ldiradi, deya xabar bermoqda insayder Nikolo Skira. Bundan tashqari, kutilganidek, ketish oldidan darvozabon "Barsa" bilan shartnomani uzaytirishga rozilik bergan.
Inyaki Penya Kataloniya grandi libosida jami 45 ta o‘yin o‘tkazib, o‘z darvozasidan 64 ta gol o‘tkazib yuborgan va 11 marta darvozani daxlsiz saqlab qolgan. Futbolchining "ko‘k-anorranglilar" bilan amaldagi mehnat shartnomasi kelasi yilning o‘rtasida o‘z nihoyasiga yetadi.
"Barselona" 2 turdan keyin 6 ochko to‘plagan bo‘lsa, "Elche" 2 ochko jamg‘ardi.
