"Барселона" дарвозабони Иньяки Пенья "Эльче"га ўтади. 26 ёшли футболчи Ла Лига дебютанти сафига ўтишга розилик билдирди - у жамоа сафини ижара асосида тўлдиради, дея хабар бермоқда инсайдер Николо Скира. Бундан ташқари, кутилганидек, кетиш олдидан дарвозабон "Барса" билан шартномани узайтиришга розилик берган.
Иньяки Пенья Каталония гранди либосида жами 45 та ўйин ўтказиб, ўз дарвозасидан 64 та гол ўтказиб юборган ва 11 марта дарвозани дахлсиз сақлаб қолган. Футболчининг "кўк-анорранглилар" билан амалдаги меҳнат шартномаси келаси йилнинг ўртасида ўз ниҳоясига етади.
"Барселона" 2 турдан кейин 6 очко тўплаган бўлса, "Эльче" 2 очко жамғарди.
