"Chelsi"ning 30 yoshli qanot hujumchisi Rahim Sterlingga "Beshiktosh," "Fulxem," "Vest Xem" va "Napoli" klublari qiziqish bildirmoqda. Bu haqda Caught Offside xabar bermoqda.
Manbaga ko‘ra, turk klubi o‘zini faolroq tutmoqda. "Beshiktosh" yaqin kunlarda Sterling transferi bo‘yicha kelishuvni muhokama qilish uchun Londonga delegasiya yuborishni rejalashtirmoqda. Londonliklar inglizni 20 mln funtdan (23 mln yevro) biroz qimmatroq baholamoqda.
Ta’kidlanishicha, "Napoli" "Chelsi" hujumchisini ijaraga olishni maqsad qilgan.
Sterling o‘tgan mavsum "Arsenal"da ijara asosida o‘ynagan edi. Futbolchining "Chelsi" bilan amaldagi mehnat shartnomasi 2027 yilning yozigacha mo‘ljallangan.
