"Челси"нинг 30 ёшли қанот ҳужумчиси Раҳим Стерлингга "Бешиктош," "Фулхэм," "Вест Хэм" ва "Наполи" клублари қизиқиш билдирмоқда. Бу ҳақда Caught Offside хабар бермоқда.
Манбага кўра, турк клуби ўзини фаолроқ тутмоқда. "Бешиктош" яқин кунларда Стерлинг трансфери бўйича келишувни муҳокама қилиш учун Лондонга делегация юборишни режалаштирмоқда. Лондонликлар инглизни 20 млн фунтдан (23 млн евро) бироз қимматроқ баҳоламоқда.
Таъкидланишича, "Наполи" "Челси" ҳужумчисини ижарага олишни мақсад қилган.
Стерлинг ўтган мавсум "Арсенал"да ижара асосида ўйнаган эди. Футболчининг "Челси" билан амалдаги меҳнат шартномаси 2027 йилнинг ёзигача мўлжалланган.
