Shanba kuni Londonning "Arsenal" klubi "Kristal Pelas" hujumkor yarim himoyachisi Eberechi Ezening transfer huquqini rasman sotib oldi.
Transfermarkt portali ma’lumotiga ko‘ra, Eze "Arsenal" tarixidagi beshinchi eng qimmat xarid bo‘ldi. Shu tariqa, "kanonirlar" unga 69,3 mln yevro (bonuslar bilan - 77 mln yevrogacha) sarflagan. "Arsenal"ga faqat Deklan Rays (116 mln), Nikolya Pepe (80 mln), Kay Xavers (75 mln) va Martin Subimendi (70 mln) qimmatroqqa tushgan.
Eze ikkinchi turda "Arsenal"ning "Lids"ga qarshi o‘yinini (5:0) tribunada tomoshabin sifatida kuzatdi. Uning 31 avgust kuni "Liverpul"ga qarshi o‘yinda maydonga tushishi ehtimoli katta, chunki Bukayo Saka, Martin Edegor va Kay Xavers jarohat olgan.













