Angliyaning "Vulverxempton" klubi hujumchi Kristantus Ucheni sotib olish uchun Ispaniyaning "Xetafe" klubiga rasmiy taklif bilan chiqdi. Bu haqda jurnalist Fabrisio Romano o‘z ijtimoiy tarmoqlarida ma’lum qildi.

Manbaga ko‘ra, taklif etilayotgan summa 20 million yevroni tashkil etadi. Hujum bilan bog‘liq muammolarga duch kelgan "bo‘rilar" muzokaralarni imkon qadar tezroq yakunlashdan manfaatdor, ammo hozircha kelishuv yakuniy bosqichdan hali uzoq.

22 yoshli Uche 2024 yildan buyon "Xetafe" safida to‘p surib kelmoqda. Ushbu klub safida 39 ta o‘yinda u 5 ta gol urdi va 8 ta golli uzatmani amalga oshirdi (bu mavsum startida 1 ta gol va 1 ta golli uzatma).