Англиянинг "Вулверхэмптон" клуби ҳужумчи Кристантус Учени сотиб олиш учун Испаниянинг "Хетафе" клубига расмий таклиф билан чиқди. Бу ҳақда журналист Фабрицио Романо ўз ижтимоий тармоқларида маълум қилди.
Манбага кўра, таклиф этилаётган сумма 20 миллион еврони ташкил этади. Ҳужум билан боғлиқ муаммоларга дуч келган "бўрилар" музокараларни имкон қадар тезроқ якунлашдан манфаатдор, аммо ҳозирча келишув якуний босқичдан ҳали узоқ.
22 ёшли Уче 2024 йилдан буён "Хетафе" сафида тўп суриб келмоқда. Ушбу клуб сафида 39 та ўйинда у 5 та гол урди ва 8 та голли узатмани амалга оширди (бу мавсум стартида 1 та гол ва 1 та голли узатма).
