Londonning "Arsenal" klubi tez orada "Portu"dan polshalik markaziy himoyachi Yakub Kivyor bo‘yicha yangi taklif oladi. Insayder Fabrisio Romanoning yozishicha, uning summasi 20 mln yevrodan oshadi. Gap majburiy sotib olish sharti bilan polyakni ijaraga olish haqida boradi.
Eslatib o‘tamiz, Kiver "Arsenal"da rotasiya o‘yinchisi hisoblanadi. Polyak asosan markaziy himoyada harakat qiladi. U Gabriel va Vilyam Saliba bilan raqobatda yutqazdi. Shuningdek, yozda klubga yangi markaziy himoyachi Kristian Moskera ham keldi.
Yakub "Arsenal"ga 2023 yilning qishida "Spesiya"dan o‘tgan. Futbolchining hisobida Polsha terma jamoasi safida 35 ta o‘yin bor.













