"Ovyedo" muxlislarni irqchilik uchun jazolashga va’da berdi.
"Ovyedo" La Liganing 2-turida o‘z maydonida “Real”ga 0:3 hisobida imkoniyatni boy berdi. O‘yin davomida mezbon muxlislar Vinisius Junior va Kilian Mbappeni "maymun" deya haqorat qilishdi.
"G‘ala-g‘ovurni hisobga olib, biz aytmoqchimizki, bu klub irqchilikning har qanday ko‘rinishiga qarshi va biz klub xavfsizlik xizmati va polisiya bilan birgalikda nima sodir bo‘lganini hozirdanoq tekshirmoqdamiz.
Agar bu holat sodir bo‘lganiga oid biror bir dalil topilsa, jazolash haqida qaror qabul qilamiz, chunki bunga toqat qila olmaymiz", - dedi “Real Ovyedo” prezidenti Martin Pelayes.
