"Овьедо" мухлисларни ирқчилик учун жазолашга ваъда берди.
"Овьедо" Ла Лиганинг 2-турида ўз майдонида “Реал”га 0:3 ҳисобида имкониятни бой берди. Ўйин давомида мезбон мухлислар Винисиус Жуниор ва Килиан Мбаппени "маймун" дея ҳақорат қилишди.
"Ғала-ғовурни ҳисобга олиб, биз айтмоқчимизки, бу клуб ирқчиликнинг ҳар қандай кўринишига қарши ва биз клуб хавфсизлик хизмати ва полиция билан биргаликда нима содир бўлганини ҳозирданоқ текширмоқдамиз.
Агар бу ҳолат содир бўлганига оид бирор бир далил топилса, жазолаш ҳақида қарор қабул қиламиз, чунки бунга тоқат қила олмаймиз", - деди “Реал Овьедо” президенти Мартин Пелаес.
