Angliyaning "Vest Xem" klubi braziliyalik yangi darvozabonni o‘z safiga qo‘shib olishni rejalashtirmoqda. Bu haqda talkSPORT xabar bermoqda.

Manbaga ko‘ra, "bolg‘achilar"ni joriy mavsumlar oralig‘ida jamoaga ko‘chib o‘tgan Mads Xermansenning o‘yin sifati qoniqtirmayapti. U APLning 2 ta o‘yinida 8 ta to‘p o‘tkazib yuborgan.

Shu kunlarda "Vest Xem" "Botafogo" sharafini himoya qilayotgan 29 yoshli braziliyalik darvozabon Jon Furtado bilan muzokaralarni qayta boshladi. Hozirda gap sotib olish huquqi bilan ijara shartnomasi haqida ketmoqda.

Furtado deyarli butun faoliyati davomida o‘z vatanida o‘ynagan. Uning faoliyati 9 yil oldin "Santos"da boshlangan.

Bozor narxi 8 million yevroga baholanayotgan posbon 2024 yilda "Botafogo" futbolchisiga aylandi. Uning hisobida ushbu jamoa safida 88 ta o‘yin (37 ta quruq o‘yin) bo‘lib, 72 ta gol o‘tkazib yuborgan.