"Bavariya" markaziy himoyachisi Kim Min Je "Milan"ga o‘tishi dargumon.
"Rossonerilap" sport direktori Igli Tare janubiy koreyalik futbolchining muxlisi hisoblanadi. Italiya grandi allaqachon Myunxen klubi vakillari bilan Kimning ehtimoliy transferini muhokama qilish uchun bog‘langan, biroq rad javobini eshitgan, deb xabar beradi jurnalist Matteo Moretto. "Bavariya" bosslari 28 yoshli markaziy himoyachi sotilmasligini aytishgan.
Avvalroq Kim Min Je Saudiya Arabistonining "An-Nasr" klubi nishonida bo‘lgan edi. Futbolchining nufuzli Transfermarkt portalidagi baholangan narxi - 40 mln yevro, uning "Bavariya" bilan shartnomasi 2028 yilning yozigacha mo‘ljallangan.













