"Бавария" марказий ҳимоячиси Ким Мин Же "Милан"га ўтиши даргумон.
"Россонерилап" спорт директори Игли Таре жанубий кореялик футболчининг мухлиси ҳисобланади. Италия гранди аллақачон Мюнхен клуби вакиллари билан Кимнинг эҳтимолий трансферини муҳокама қилиш учун боғланган, бироқ рад жавобини эшитган, деб хабар беради журналист Маттео Моретто. "Бавария" босслари 28 ёшли марказий ҳимоячи сотилмаслигини айтишган.
Аввалроқ Ким Мин Же Саудия Арабистонининг "Ан-Наср" клуби нишонида бўлган эди. Футболчининг нуфузли Transfermarkt порталидаги баҳоланган нархи - 40 млн евро, унинг "Бавария" билан шартномаси 2028 йилнинг ёзигача мўлжалланган.













