"RB Leypsig" hujumkor yarim himoyachisi Elif Elmas faoliyatini "Napoli"da davom ettiradi. Italiyaning amaldagi chempioni 25 yoshli futbolchini keyinchalik sotib olish imkoniyati bilan ijaraga olishga kelishib oldi. Futbolchining o‘zi bir necha hafta oldin neapolliklarga o‘ylab o‘tirmay rozilik bergandi.
Elif Elmas 2019 yil yozidan 2024 yil boshigacha "Napoli"da o‘ynagan, shundan so‘ng u "RB Leypsig"ga 24 million yevroga sotilgan. O‘tgan mavsumning ikkinchi yarmini makedoniyalik ijara asosida Italiyaning "Torino" klubida o‘tkazgan edi.













