"РБ Лейпциг" ҳужумкор ярим ҳимоячиси Эльиф Элмас фаолиятини "Наполи"да давом эттиради. Италиянинг амалдаги чемпиони 25 ёшли футболчини кейинчалик сотиб олиш имконияти билан ижарага олишга келишиб олди. Футболчининг ўзи бир неча ҳафта олдин неаполликларга ўйлаб ўтирмай розилик берганди.
Эльиф Элмас 2019 йил ёзидан 2024 йил бошигача "Наполи"да ўйнаган, шундан сўнг у "РБ Лейпциг"га 24 миллион еврога сотилган. Ўтган мавсумнинг иккинчи ярмини македониялик ижара асосида Италиянинг "Торино" клубида ўтказган эди.













