2009 yilning 29 avgustida portugaliyalik hujumchi Krishtianu Ronaldu Madridning "Real" klubi libosidagi ilk golini urgan edi. O‘shandan beri roppa-rosa 16 yil o‘tdi.
Futbolchining debyut goli Ispaniya chempionatining 1-turidan o‘rin olgan "Deportivo"ga qarshi o‘yinga (3:2) to‘g‘ri keldi. 35-daqiqada Ronaldu penaltidan unumli foydalandi.
Ronaldu 2009-2018 yillarda "Real" sharafini himoya qilgan. Bu vaqt ichida u barcha turnirlarda 438 ta o‘yin o‘tkazib, 450 ta gol urdi va 131 ta golli uzatmani amalga oshirdi.
Ayni damda 40 yoshli Ronaldu Saudiya Arabistonining "An-Nasr" klubida to‘p surmoqda. Hujumchining klub bilan amaldagi mehnat shartnomasi 2027 yilning yozigacha mo‘ljallangan.
