"Monako" vingeri Eliss Ben-Segir Leverkuzenning "Bayer" klubiga o‘tishga yaqin turibdi. Klublar o‘rtasida transfer shartlari bo‘yicha to‘liq kelishuvga erishildi, deb xabar bermoqda jurnalist Fabris Xokins. Bitim qiymati 35 mln yevroga baholanmoqda, shuningdek, monakoliklar o‘z tarbiyalanuvchisini kelajakda qayta sotishdan foiz oladi.
Eliss Ben-Segir "Monako"ning asosiy jamoasi safida barcha musobaqalarda jami 85 ta o‘yin o‘tkazib, 15 ta gol urgan va sakkizta golli uzatmani amalga oshirgan. 20 yoshli marokashlik nafaqat o‘zi uchun odatiy bo‘lgan chap qanot hujumida, balki markaziy hujum chizig‘i va hujumchi ostida ham o‘ynashga qodir.
