"Монако" вингери Элисс Бен-Сегир Леверкузеннинг "Байер" клубига ўтишга яқин турибди. Клублар ўртасида трансфер шартлари бўйича тўлиқ келишувга эришилди, деб хабар бермоқда журналист Фабрис Хокинс. Битим қиймати 35 млн еврога баҳоланмоқда, шунингдек, монаколиклар ўз тарбияланувчисини келажакда қайта сотишдан фоиз олади.
Элисс Бен-Сегир "Монако"нинг асосий жамоаси сафида барча мусобақаларда жами 85 та ўйин ўтказиб, 15 та гол урган ва саккизта голли узатмани амалга оширган. 20 ёшли марокашлик нафақат ўзи учун одатий бўлган чап қанот ҳужумида, балки марказий ҳужум чизиғи ва ҳужумчи остида ҳам ўйнашга қодир.













