Londonning "Chelsi" klubi Lissabonning "Sporting" jamoasi hujumchisi Konrad Xarderga e’tibor qaratdi. Bu haqda The Athletic jurnalisti Devid Ornshteyn xabar bermoqda.
Manbaga ko‘ra, Liam Delapning jarohatidan so‘ng "Chelsi" shoshilinch ravishda yangi hujumchi qidirishni boshlagan. Ta’kidlanishicha, "ko‘klar" allaqachon "Sporting"dan 20 yoshli Xarderning ehtimoliy transferi bo‘yicha so‘rov yuborgan.
Bu mavsumda daniyalik futbolchi barcha musobaqalarda beshta o‘yin o‘tkazib, bitta gol urishga muvaffaq bo‘ldi.
Xarderning "Sporting" bilan shartnomasi 2029 yilgacha mo‘ljallangan. Transfermarkt ma’lumotlariga ko‘ra, futbolchining narxi 24 million yevroga teng.
