«Milan» markaziy himoyachi Jozef Gomesni sotib olish bo‘yicha «Liverpul»ga rasmiy taklif yo‘lladi. Bu haqda jurnalist Fabrisio Romano ijtimoiy tarmoq X sahifasida xabar berdi.

Manba ma’lumoticha, "rossoneri" ikki karra Angliya chempioni bilan to‘liq shartnoma imzolashni istamoqda. Ayni paytda klublar bitim shartlarini muhokama qilmoqda.

Ta’kidlanishicha, agar «Kristal Pelas» himoyachisi Mark Gexi «Liverpul»ga o‘tsa, mersisaydliklar Gomesga jamoani tark etishga ruxsat berishadi.

Gomes 2015 yildan buyon ingliz klubi sharafini himoya qilib kelmoqda. Shu davr ichida u barcha musobaqalarda 242 ta o‘yinda maydonga tushib, 10 ta samarali uzatma bergan. Futbolchining klub bilan amal qilayotgan shartnomasi 2027 yil yoziga qadar mo‘ljallangan. Transfermarkt portali ma’lumotlariga ko‘ra, himoyachining bozor qiymati 20 million yevroga baholangan.