"Inter Mayami" bosh murabbiyi Xavyer Maskerano Ligalar kubogi finalida "Sietl"ga qarshi o‘yindagi muvaffaqiyatsizlikdan (0:3) keyin o‘z fikrlari bilan o‘rtoqlashdi.
"O‘rtadagi bo‘shliqni ochish uchun qanotlardan faol foydalanishga harakat qildik. Ikkinchi bo‘limda to‘p nazoratida ustunlik qildik va doimiy ravishda maydonning raqib qismida bo‘ldik. 0:3 hisobi biroz adolatsiz. O‘yin oxirida biz tavakkal qildik, natijada barchasini hal qilgan ikkinchi golni o‘tkazib yubordik," - deya Maskeranoning so‘zlarini keltiradi jurnalist Xose Armando.
