"Brayton" yarim himoyachisi Mett O'Rayli "Marsel"ga o‘tish arafasida turibdi. Avvalroq daniyalik futbolchi "Yuventus"ga o‘tishga rozilik bergandi, biroq "keksa sinyora" baribir kelishuvni yopolmadi. Insayder Fabrisio Romanoning yozishicha, endi 24 yoshli futbolchi "Marsel"ga o‘tishga qaror qilgan. Fransuz klubi "Brayton" bilan yarim himoyachini ijaraga olish bo‘yicha deyarli kelishib oldi.
Mett O'Raylining transfer narxi nufuzli Transfermarkt sayti mutaxassislari tomonidan 22 mln yevroga baholanmoqda. 2024 yilning yozida "chaykalar" futbolchini Shotlandiyaning "Seltik" klubidan qariyb 30 mln yevro evaziga sotib olgandi. "Marsel"da yarim himoyachi "Milan"ga o‘tishga yaqin turgan Adriyen Raboning o‘rnini egallashi mumkin.













