"Брайтон" ярим ҳимоячиси Мэтт О'Райли "Марсель"га ўтиш арафасида турибди. Аввалроқ даниялик футболчи "Ювентус"га ўтишга розилик берганди, бироқ "кекса синьора" барибир келишувни ёполмади. Инсайдер Фабрицио Романонинг ёзишича, энди 24 ёшли футболчи "Марсель"га ўтишга қарор қилган. Француз клуби "Брайтон" билан ярим ҳимоячини ижарага олиш бўйича деярли келишиб олди.

Мэтт О'Райлининг трансфер нархи нуфузли Transfermarkt сайти мутахассислари томонидан 22 млн еврога баҳоланмоқда. 2024 йилнинг ёзида "чайкалар" футболчини Шотландиянинг "Селтик" клубидан қарийб 30 млн евро эвазига сотиб олганди. "Марсел"да ярим ҳимоячи "Милан"га ўтишга яқин турган Адриен Рабонинг ўрнини эгаллаши мумкин.