Germaniya chempionati 2-turidan o‘rin olgan uchrashuvda Dortmundning "Borussiya" klubi o‘z maydonida Berlinning "Union" klubini qabul qilib, raqib darvozasiga javobsiz 3 ta to‘p kiritdi. Albatta, Dortmund klubining eng xavfli hujumchisi Seru Girassi ham bu bahsda o‘zini ko‘rsatdi. Girassi "Borussiya" safida ketma-ket yettita o‘yinda gol urdi (albatta, o‘tgan mavsumni ham hisobga olsak) - bu klub tarixidagi eng yaxshi seriyalardan biri.
Faqatgina Pyer-Emerik Obameyang (10 o‘yin) va polshalik superhujumchi Robert Levandovski "Borussiya" safida uzoqroq golli seriya qayd etgan - o‘tgan o‘n yillikning birinchi yarmida ushbu klubda to‘p surgan Robert misolida bu ko‘rsatkich o‘n ikki o‘yindan iborat.
