Германия чемпионати 2-туридан ўрин олган учрашувда Дортмунднинг "Боруссия" клуби ўз майдонида Берлиннинг "Унион" клубини қабул қилиб, рақиб дарвозасига жавобсиз 3 та тўп киритди. Албатта, Дортмунд клубининг энг хавфли ҳужумчиси Серу Гирасси ҳам бу баҳсда ўзини кўрсатди. Гирасси "Боруссия" сафида кетма-кет еттита ўйинда гол урди (албатта, ўтган мавсумни ҳам ҳисобга олсак) - бу клуб тарихидаги энг яхши сериялардан бири.
Фақатгина Пьер-Эмерик Обамеянг (10 ўйин) ва польшалик суперҳужумчи Роберт Левандовски "Боруссия" сафида узоқроқ голли серия қайд этган - ўтган ўн йилликнинг биринчи ярмида ушбу клубда тўп сурган Роберт мисолида бу кўрсаткич ўн икки ўйиндан иборат.
