Hujumchi Nikolas Jekson ijara asosida «Chelsi»dan «Bavariya»ga ko‘chib o‘tdi. Bu haqda myunxenliklar rasmiy saytida xabar qilindi.

Futbolchining nemis klubi bilan ijara shartnomasi bir mavsumga mo‘ljallangan.

Jekson 2023 yil yozida «Vilyarreal»dan «Chelsi»ga o‘tgan edi. Shu vaqt mobaynida u barcha musobaqalarda 81 ta o‘yinda maydonga tushib, 30 ta gol urdi va 12 ta golli uzatma amalga oshirdi. Shuningdek, Nikolas Senegal terma jamoasi sharafini ham himoya qiladi.

Hozirgi paytda «Bavariya» Bundesliga turnir jadvalida ikki turdan keyin 6 ochko bilan peshqadamlik qilmoqda. Avvalroq jamoa Germaniya Superkubogi — 2025ni qo‘lga kiritgan edi.