23 yoshli niderlandiyalik hujumchi Brayan Brobbi Amsterdamning "Ayaks" klubini tark etib, tumanli Albionga ko‘chib o‘tdi. Hujumchi bilan "Sanderlend" shartnoma imzoladi.
Ingliz klubi matbuot xizmatining ma’lum qilishicha, yangi futbolchi bilan mehnat shartnomasi 2029 yilning iyun oyi oxirigacha mo‘ljallangan. ESPN ma’lumotlariga ko‘ra, kelishuv qiymati taxminan 29 million yevroni tashkil qilgan.
O‘tgan mavsumda Brobbi "Ayaks" safida 44 ta o‘yin o‘tkazgan. Hujumchi yettita gol va oltita golli uzatma muallifi bo‘ldi.
