"Barsa" Chempionlar ligasining umumiy bosqichida stadionlarni o‘zgartirishi mumkin.

RAC1 ma’lumotlariga ko‘ra, UEFA kataloniyaliklarga "PSJ"ga qarshi birinchi uy o‘yiniga arenani tayyorlay olmasa, turnirning birinchi turidagi uy uchrashuvlarini "Kamp Nou"ga ko‘chirishga ruxsat bergan.

Chempionlar ligasi reglamentiga ko‘ra, fors-major holatlari bundan mustasno, jamoalar umumiy bosqichni bitta stadionda o‘tkazishi shart. "Ko‘k-anorranglilar" arenasi bilan bog‘liq vaziyat shunday holatga kiradi.

Shunday qilib, "Barsa" parijliklar bilan o‘yinni avvalgi stadionda o‘tkazishi va navbatdagi uy o‘yinida ("Olimpiakos"ga qarshi) "Kamp Nou"ga qaytishi mumkin.

Qayd etilishicha, Joan Laporta va Aleksandr Cheferin o‘rtasidagi yaxshi munosabatlar kelishuvga erishishga yordam bergan.