"Барса" Чемпионлар лигасининг умумий босқичида стадионларни ўзгартириши мумкин.

RAC1 маълумотларига кўра, УEФА каталонияликларга "ПСЖ"га қарши биринчи уй ўйинига аренани тайёрлай олмаса, турнирнинг биринчи туридаги уй учрашувларини "Камп Ноу"га кўчиришга рухсат берган.

Чемпионлар лигаси регламентига кўра, форс-мажор ҳолатлари бундан мустасно, жамоалар умумий босқични битта стадионда ўтказиши шарт. "Кўк-анорранглилар" аренаси билан боғлиқ вазият шундай ҳолатга киради.

Шундай қилиб, "Барса" парижликлар билан ўйинни аввалги стадионда ўтказиши ва навбатдаги уй ўйинида ("Олимпиакос"га қарши) "Камп Ноу"га қайтиши мумкин.

Қайд этилишича, Жоан Лапорта ва Александр Чеферин ўртасидаги яхши муносабатлар келишувга эришишга ёрдам берган.