O‘zbekiston U-23 terma jamoasi bosh murabbiyi Ravshan Haydarov Shri-Lankaga qarshi o‘yindan (4:0) so‘ng o‘z fikrlarini bildirdi.
«Butun o‘yin davomida ustunlikka ega bo‘ldik, to‘pni nazorat qildik. Albatta, Shri-Lanka jamoasi ham yaxshi himoyalandi, ammo biz to‘rtta gol urishga muvaffaq bo‘ldik. Muhimi — bu ilk g‘alabamiz va qo‘lga kiritilgan uch ochko biz uchun juda muhim.
Umuman olganda, yaxshi o‘ynadik. Hujumda faollik ko‘rsatdik, ko‘plab vaziyatlar yaratdik. Ammo, ularning barchasini golga aylantira olmadik. Shri-Lanka jamoasining himoyasini ham e’tirof etish kerak — ular juda yaxshi himoyalanishdi».
